Gerngal Gelongal Fuuta

Ɓiɓɓe Fulɓe yiɗɓe Koye mumen haa tabiti, fasniiɓe Ngenndi mumen haa selli, reenɓe Ganni mumen haa kisni, yeewtanooɓe hanki, yeewteteeɓe hannde, yeewtoyteeɓe janngo, yo kisal Geno won e mon.

Ɓiɓɓe Fulɓe sariiɓe haa to ɓuri woɗɗude e nder jookli winndere, ɓe hakkillaaji mumen meeɗaani ummaade e Suudu Baaba, nehaande men yummaare, on toranaama moƴƴere.

Hoɗdiiɓe tedduɓe renndaaɓe nguurndam, yiɗɓe maa nanooɓe Pulaar walla Fulfulde, on njuuraama.

Caggal calminaali e koofnaali bayniiɗi luggere fittaandu men, oɗon mbismee e ruttorde hesere pul, nde cos-ɗen jooni, innir-ɗen Gerngal Gelongal Fuuta Njaay e dow faandaare renndinde heen denndaangal doɓaale coñanooɗe e Pinal Fulɓe, ummoraade e wiɗtooji ceertuɗi gila e geɗe daartol, coñce, yimiyankaagal, naalankaagal, ñeeñal, gaaci haa e kewkewe walla mbiyen joljole.

Wonaa yontude waɗde addanta neɗɗo waɗde. Addanta neɗɗo waɗde ko fodoore yettaade. Enen ne, ko jooni maa a taw Geno fodi yo mbaɗ hankadi ndeeɗoo ruttorde geɗe Pulaagu rewrude e Ɗemngal Pulaar laaɓngal cer.

Gelongal Fuuta lollirɗo

Njaay Saydu Aamadu